Ladishah Ladishah kot sana draakh
Zangan chhey raz tay hattis pyetth shraakh

Saddkan kochan pyetth chhe doara-doar
Prath doha yeti chhey laar kati-koar

Ayk loag curfew ta bey hartaal
Awaamas zaejikh anza-manza taal

Kaala-pagahiy chhuy yeti “blackout”
Kar sa maali jal-jal kashiri checkout

Shuyr chhiy laatthi hyethiy nyeraan
Roaba daabah tay drangal karaan

Prath doha wuchhmay kanyan hund ruud
Ath na sa saad tay na chhu kanh suud

Police tay army karyekh reemaath
Tear-gas, goli tay pellet-gun shot

Yeti kanh qonoon na samaajah
Gundan badmaashan hund chhu raajah

Teli oas aasan zyitthan hund paas
Az karaan lokttyen tay badyen khallaas

Telephone internet akhbaaran tthaakh
Yi chha kanh zindagi yath korukh ddaakh

Khaandar tay daawath karyikh mansoakh
Naattan kabaaban pyetth ta lej roakh

Mareezan zayeefan lanji-loar gaw
Gaamu shahar chhu haeraan lukaw

Tshottyik chhiy khetmyit saddkan ddyer
Nas thaaw band tay hoar kun phyer

Raatas haz hoanyaw duniyah tul
So kas aayi nindir, ada subah ti phol

Curfewas manz khets luukan naas
Baana phuytt hamsayan, lejan leyg ttaas

National channelan pyetth chhi debate
Prath akha banyomut yeti chhuy myetth

Paekistanan koruy taqriir
Aes hasa nimoan mulki Kashmir

Hyundustan wothukh ays kadoakh lang
Yi chhu soan haq tay attuutt ang

Aelwa gandda sabzii tay phal
Sarkaar dapaan yuhay gaw hal

Mosuum gobran metsi manz jaay
Kar bozyi day soan asyi andi nyaay

Ladishah Ladishah kot sana draakh
Zangan chhey raz tay hattis pyetth shraakh

Srinagar, August 2016.

© Sadaf Munshi